Viviendes de La Cuadriella

Ellí llocalizáronse, ente otres instalaciones, el llavaderu de carbones y la central llétrica, amás d’edificios como les oficines, el botiquín, l’economatu, la ilesia o delles promociones de viviendes pa obreros, emplegaos y direutivos.

Les viviendes pa emplegaos de La Cuadriella, promovíes pola sociedá na década del 1920, respuenden al tipu de vivienda unifamiliar apegada que s’acutaba, polo xeneral, al personal cualificao de les empreses. Ye una agrupación de siete viviendes xuníes per medianeres que contaben n’altura con planta baxa, pisu y sobráu. Na planta baxa alcontrábase la cocina, el comedor, un despachu y un cuartu; na planta superior contaben con trés cuartos más y un bañu. Cada vivienda tenía un xardín pequeñu na fachada principal y un güertu-xardín na posterior.

Mónica García Cuetos