Archivu de RCAM/AZSA

Archivos

Archivu de RCAM/AZSA

Arnáu, Castrillón

Factoría de la RCAM

373205154

RCAM-AZSA

Mina de Arnao

371683810

Mina d'Arnáu

Cajas de Zinc

676592741

Archivu RCAM-AZSA

Nel 1833 créase una sociedá hispano-belga baxo la denominación de Real Compañía Asturiana de Minas col oxetivu d’esplotar les minas de carbón d’Arnáu y El Puertu, nel conceyu de Castrillón. Esta iniciativa ta reconocida como’l primer proyeutu industrial modernu fechu n’Asturies.

Nel 1853 constitúise en Bruxeles y con capital belga la Compagnie Royale Asturienne des Mines, Société pour la Production du Zinc en Espagne que pondrá en marcha n’Arnáu tamién una fábrica de zinc más otra de plomu  n’Errenteria (Guipúzcoa). Asturiana de Zinc S.A. créase en San Xuan nel 1957 pa la fabricación de lingotes de zinc electrolítico y d’ella saldrán los primeros lingotes d’esti tipu producíos n’España. Nel 1983 intégrense toles empreses del grupu n’AZSA, que va ser l’acrónimu con que se conocerá dende entós el grupu empresarial.

El so archivu pasa por ser el fondu industrial más antiguu y meyor conserváu d’Asturies. Ello nun foi frutu del azar (quiciabes la conservación hasta’l 1997 sí lo foi), sinón de la iniciativa entamada na década de los noventa por cuatro investigadores (Antonio Gómez Mendoza, José Ramón García López, Daniel Peribáñez Caveda y Antonio Niembro) que llograron poner en marcha un proyeutu de recuperación del archivu que culminó col allugamientu de tol fondu nun edificiu de la empresa reutilizáu pa esti fin y la dotación d’una plaza d’archiveru. Esti archivu ye tamién conocíu pola singularidá de los materiales utilizaos na conservación de los documentos: grandes caxes de zinc (principal productu de la empresa dende’l 1853) nes que se conservaron en perfeutu estáu les seiciones de ‘Cartes’ y de ‘Cuentes’. Como asocede con otros archivos d’esti tipu, la historia de munches familias de la redolada consérvase nesti archivu. Éstes son les sos cifres:

Fondu archivísticu:

Feches estremes 1833-1995

1.962 caxes, 3.750 llibros y 3.160 planos y mapes (1.100 m d'estantería)

Fondu bibliográficu:

Feches estremes 1852-2007

Publicaciones periódiques: 273 títulos, 13.403 volúmenes

Llibros téunicos: 405

Fondos non documentales:

905 unidaes

Eduardo Núñez Fernández

GALERÍA D'IMAXES