Industries
Ente’l 1930 y el 1945 la empresa Hidroeléctrica del Cantábrico desendolcó les obres de construcción d’una central hidroeléctrica en Somiedu, na oriella del ríu d’esti nome.
Nel 1946 entamó la instalación de los diferentes grupos, hasta’l total de trés qu’empleguen turbines Francis, capaces a xenerar añalmente 36.000 MW/hora.
L’abastecimientu produzse por gravedá, gracies a una rede de canales y tuberíes que conducen l’agua dende los banzaos de Somiedu y Saliencia hasta la central. L’agua saliente alimentó, amás, les centrales de La Belmontina y de Miranda.
La construcción principal, racionalista, ta compuesta por dos naves paraleles de planta rectangular. La sala de máquines ta arrodiada d’amplios vanos adintelaos zarraos con cristal y pavés. Sobre ellos asítiase una ponte-grúa que facilita’l trabayu de los operarios. La nave apegada contrasta cola anterior pola horizontalidá de los vanos y el zarramientu con una cubierta a dos agües.
GALERÍA D'IMAXES
Comentaris recents