Construyóse nel añu 1915 a pidimientu de la empresa Energía Eléctrica de Asturias, absorbida nel añu 1923 pola sociedá Electra de Viesgo; el so rótulu entovía ta visible sobre l’accesu principal al edificiu. Nel so interior consérvase una turbina de vapor orixinal, fecha pola casa suiza Escher Wyss, qu’aprovechaba la riqueza hullera de la zona pa la producción d’enerxía.
L’inmueble, compuestu por dellos cuerpos que comparten una estética racionalista dada finalmente na década de los años cincuenta, ta construyíu con lladriyu cargao. En tol perímetru ábrense vanos adintelaos de grandes dimensiones zarraos con pavés, que garren especial protagonismu nel cuerpu de mayor altura. Anguaño sigue’l so usu industrial y ta incluyíu nel catálogu urbanísticu de proteición del Conceyu de Mieres.
Rubén Domínguez Rodríguez
Comentaris recents