Central del Esva

La so complexidá y el so allugamientu fixeron necesaria, amás, la construcción de dalgunes instalaciones auxiliares como túneles y preses que regularen el caudal del ríu p’afayase a les necesidaes productives de la central.

L’edificiu principal, qu’acueye les turbines, ye de planta rectangular y llevantóse emplegando la piedra revocao como material principal. A dambos llaos asocédense arcos de mediu puntu, que faciliten la entrada de lluz natural a un espaciu de trabayu que taba ocupáu les venticuatro hores del día.

Caltúvose en funcionamientu hasta l’añu 1972. Anguaño les sos instalaciones tán abandonaes y n’estáu avanzáu d’estroza, y conserva parte de la maquinaria orixinal neses condiciones.

Rubén Domínguez Rodríguez