Minería
La Sociedad Hullera Española promovió na población mierense d’Uxo la construcción de delles promociones de viviendes que daben respuesta a les necesidaes de morada de trabayadores y cargos direutivos y téunicos de la empresa.
Los cuarteles de los Corredores o de la Hullera son ún de los exemplos más carauterísticos d’un tipu de vivienda obrera que contó con gran desarrollu na cuenca del Caudal. Trátase d’una solución económica pola utilización de material barato pa la so construcción y un aprovechamientu óptimu del espaciu que facía posible l’agospiu d’un bon númberu de families nuna única promoción.
Ye un edificiu de planta rectangular que tien la fachada principal nún de los llaos llargos del rectángulu. El corredor de madera, l’elementu más representativu d’esta tipoloxía, percuerre los dos pisos altos, dando nuna escalera apegada a una de les fachaes llaterales. El corredor yera un espaciu común y permitía l’accesu a caúna de les viviendes.
GALERÍA D'IMAXES
Comentaris recents