Minería
El Pozu Polio ye ún de los grandes pozos abiertos pal llaboréu de la hulla n’Asturies. Trancáu dende mediaos de la década del 1990, entovía caltiénense los volúmenes principales d’un pozu singular, tanto polos sos castilletes –ensin tornapuntes– como por un gran edificiu qu’axuntaba los servicios principales del pozu y que constitúi ún de los meyores exemplos d’arquiteutura del movimientu modernu nuna instalación minera.
El Pozu Polio, afondáu a partir del 1953 por Fábrica de Mieres y integráu n’HUNOSA nel 1967 como’l restu de la rama minera de la siderurxa mierense, ábrese nun área del conceyu de Mieres intensamente venceyada a la minería nes sos distintes fases: a la minería de monte, coles mines d’El Peñón y la famosa Baltesara, el so antecedente; a la minería vertical, col Pozu Trés Amigos y el propiu Polio; y al cielu abiertu, con San Victor y La Mozquita-La Matona. Asina, Polio surde como la continuación de la mina de monte Baltesara per aciu pozu vertical d’estraición, nun cotu mineru incorporáu a Fábrica de Mieres a metanes del sieglu XIX.
Polio es una explotación ciertamente singular donde la mayor peculiaridad deriva de que sus castilletes no tienen tornapuntas. Así, mediante la curvatura de los perfiles en la base los castilletes quedan integrados plenamente en una edificación sobre la que se elevan como auténticos gigantes de hierro. El tratamiento del edificio recibe claras influencias de las corrientes funcionalistas de las décadas centrales del siglo XX, utilizándose, además del hormigón, el revestimiento cerámico vítreo y las carpinterías de hierro y vidrio. Los ventanales corridos con una disposición horizontal contribuyen a imprimir fuerza y carácter a un edificio que es el mejor ejemplo de arquitectura del Movimiento Moderno en una instalación minera asturiana.
Polio ye una esplotación ciertamente singular, onde la peculiaridá mayor deriva de que los sos castilletes nun tienen tornapuntes. Asina, per aciu la curvatura de los perfiles na base, los castilletes queden integraos plenamente nuna edificación sobre la que se llevanten como auténticos xigantes de fierro. El tratamientu del edificiu recibe influencies clares de les corrientes funcionalistes de les décades centrales del sieglu XX, utilizándose, amás del formigón, el revestimientu cerámicu vitreu y les carpinteríes de fierro y vidru. Los ventanales corríos con una disposición horizontal contribúin a da-y fuercia y caráuter a un edificiu que ye’l meyor exemplu d’arquiteutura del Movimientu Modernu nuna instalación minera asturiana. L’edificiu central funciona como un módulu qu’axunta funciones y servicios, dende los estractivos a los teunolóxicos, asina como dellos servicios. Rescamplaba equí la casa de máquines, asitiada ente los dos castilletes, con un pavimentu d’entarimáu de madera pa un aisllamientu meyor y onde funcionaben una subestación llétrica y dos máquines d’estraición con polea Koepe bicable aicionaes dende unes cabines de singular y valiosu diseñu.
Nel esterior destaquen unes tolves de formigón imponentes construyíes nel 1962 pa l’almacenamientu de la hulla.
GALERÍA D'IMAXES
Comentaris recents