Tresportes
L’Arena, asitiada na oriella derecha d’El Ríu Nalón, desendolcó per sieglos una importante actividá pesquera y conservera. Entá güei ye’l puertu pesqueru onde se puya la mayor cantidá d’angula de toa Asturies.
Esta puya fase na rula, un edificiu que data del 1918. La so construcción impulsóla la Sociedad de Pescadores El Progreso Marino de San Juan de la Arena, creada un añu enantes y na que participaben armadores, marineros, patronos y fabricantes. Esta sociedá marcóse cuasi como oxetivu únicu la construcción d’esti espaciu. Anguaño ye la Cofradía de Pescadores de San Juan Bautista la encargada de la xestión y alministración d’esti serviciu.
El llamativu edificiu compónse de dos volúmenes d’igual altura pero de distinta anchura, remataos entrambos con un frontón escalonáu, carauterísticu de l’arquiteutura nórdica, con un airosu espaciu porticáu na planta baxa.
GALERÍA D'IMAXES
Comentaris recents