Les obres del inmueble desendólquense a la par que les de la canal de derivación qu’abastez la central, con un llargor de seis quilómetros y con una presencia importante de trabayos de mampostería en dalgunos puntos, tenida sobre arcos de mediu puntu.
La iniciativa, que salió de la Sociedad Eléctrica Peninsular, desendolcó una empresa constructiva que llevantó un inmueble de trés altures construyíu con mampostería cargao y con cubierta de teya a doble vertiente. Na redolada asitióse un edificiu residencial pa serviciu de los trabayadores. Nel interior consérvase la maquinaria alemana orixinal, que sigue desendolcando les sos funciones industriales en manes de la empresa EDP. Forma parte del Catálogu Urbanísticu de Proteición del Conceyu de Llaviana.
Rubén Domínguez Rodríguez
Comentaris recents