Barriu de Corea

El Grupo Coronel Baeza, conocíu popularmente como ‘Corea’, empicipió a construyise nel 1955 y finó dos años más tarde, cuando les viviendes son entregaes a los trabayadores de la Fábrica d’Armes de Trubia. Nesi mesmu añu, 1957, terminaría tamién la construcción de la tercer fase del Grupo Coronel Esteban, de carauterístiques similares.

El grupu compónenlu un total de 152 viviendes distribuyíes en 18 bloques de cuatru altures. Siguen l’estilu propiu d’esti tipu de construcciones, con llenzos llaterales de mampostería y fachaes de lladriyu visto na planta baxa y revocada nel restu. El güecu de la escalera presenta una cristalera pa ganar lluminosidá. En tol barriu apaecen dellos patios y a la entrada esiste un monumentu conmemorativu compuestu por una base de piedra sobre’l que s’asitien dos cañones de fundición que recueyen el nome del barriu y l’añu de la so construcción. Nel 2018 ún de los bloques sirvió de llenzu pa un mural entituláu ‘Forjando Comunidad’.

Manuel Antonio Huerta Nuño