Barriu d’Urquijo

Industries

Barriu del Marqués d'Urquijo

La Felguera, Llangréu

372920668

Factoría de Duro Felguera

374442585

Cuarteles de La Formiguera

374426630

Parque Dolores Fdez Duro

398964177

Cai Conde Sizzo

Barriu d'Urquijo

374418752

Barriu d'Urquijo

374431652

Escuela d'Artes y Oficios

374440532

Hospitalín de Duro Felguera

Dientro de les polítiques sociales impulsaes pola Sociedad Metalúrgica Duro Felguera atopen el so llugar les promociones residenciales.

La planificación de los agospios afayábase polo xeneral a la categoría socioprofesional de los sos destinatarios, de mou que les cases de los obreros obedecíen, sacante esceiciones, a modelos estandarizaos, siendo reducíes en dimensiones y modestes en cuanto a materiales, confort y programa. En contraste, pa los direutivos y emplegaos cualificaos escoyíense residencies que, harmonizando les razones d'economía y estética, ofrecíen condiciones d’asitiamientu afayadices, disfrute d'espacios axardinaos, grau de confortabilidá mayor, superficie habitable y númberu de cuartos.

Dientro de les esceiciones apuntaes na vivienda obrera, atopámonos con ún de los conxuntos residenciales de mayor calidá arquiteutónica y interés históricu promovíos pola SMDF: el barriu del Marqués de Urquijo, en La Felguera. L'arquiteutu municipal de Llangéu, Enrique Rodríguez Bustelo, encargóse de facer, nel 1916, un anteproyeutu ambiciosu que plantegaba dellos grupos de viviendes destinaes a inxenieros, maestros y obreros. Por mor de razones diverses, fundamentalmente imposiciones de calter económicu, el proyeutu nun pudo desendolcase dafechu, llimitándose a la construcción de les cases de los obreros.

El prototipu d’agospiu al que respuenden ye’l del pabellón anque, lloñe d'adoptar un esquema estandarizáu únicu, l'arquiteutu introduz variaciones afortunaes nel diseñu de los inmuebles, xugando coles altures, harmonizando soluciones de fachada diferenciaes, esquemes de distribución en planta distintos y, en definitiva, cuidando'l tratamientu estéticu del conxuntu.

Tres la Guerra Civil, na década del 1940, los arquiteutos Federico y Francisco Somolinos encargáronse de l'ampliación del barriu. Hai qu’estremar, en consecuencia, un área constructiva orixinaria, con un total de nueve inmuebles, y una segunda campaña executada na posguerra, compuesta por cinco inmuebles apegaos per medianera.

Natalia Tielve García

GALERÍA D'IMAXES