Bocamina La Justa

Minería

Socavón de La Justa

Peña Rubia, Langreo

Nel añu 1854 un grupu d’inversores, ente ellos el barón del Castillo de Chirel, José Finat; Maximiliano Laffitte; y León Daguerre, creen la Sociedad La Justa. Les sos concesiones mineres estendíense peles parroquies llangreanes d’Oturiellos (La Felguera), Lada, Barros y Riañu y incluyíen un númberu importante de concesiones, de les que se fusionaron parte nel denomináu Cotu de La Justa. Contaba tamién la sociedá con una fábrica de coque na que daba salida al carbón menudo.

Nel 1886 produzse la fusión d’esta sociedá con Adolfo D´Eichthal y Compañía y Carbones de María Luisa, pa constituyir la Unión Hullera y Metalúrgica de Asturias, col inxenieru Luis Adaro y Magro como responsable. Será Adaro’l que promueva importantes avances como la mecanización del trabayu nel interior de les mines, la introducción del arrastre por caballeríes y vagones sobre carril o la modernización del procesu del llaváu del carbón.

Consérvase’l socavón del primer pisu de la mina de Peñarrubia y restos d’unes tolves na oriella esquierda d’El Nalón.

Mónica García Cuetos

GALERÍA D'IMAXES