Central de Silviella

Asitiada na oriella d’El Ríu Pigüeña, en Miranda, la central de Silviella patrocinóla la Compañía Popular de Avilés, adquirida pocos años más tarde pola Compañía Popular de Gas y Electricidad de Gijón. Finalmente, nel 1944, les instalaciones pasaron a Hidroeléctrica del Cantábrico.

L’edificiu principal ye de planta rectangular y ta compuestu por una sala de máquines de gran interés, percorrida perimetralmente por una socesión d’arcos de mediu puntu potenciaos visualmente contra l’esterior per aciu del usu de sillares encoxinaos, tanto en claves y doveles como nuna llinia d’imposta que los xune. La so fachada principal, que lluz un remate escalonáu y almenáu, recueye nuna cartela la fecha d’inauguración. L’interior de la sala intercala, ente arcos, pilares de formigón que sirven de sostén pa los raíles de la ponte-grúa y sobre los que s’asitien llámpares de fierro.

Rubén Domínguez Rodríguez