Colexos de Llaranes

Industries

Colexos del Pobláu Obreru de Llaranes

Pobláu Obreru de Llaranes, Avilés

Viviendas

374419021

Pobláu de Llaranes

377152807

Ilesia de Santa Bárbara

374419314

Escuela d'Aprendices

Colegio de Niñas

374973933

Colexos d'ENSIDESA

398975552

Viviendes d'Inxenieros

Conjunto Industrial de ENSIDESA

420755929

Conxuntu Industrial ENSIDESA

Sala de espera

374418863

Hospitalín d'ENSIDESA

La educación de los fíos de los «productores», un pegollu fundamental nel desendolcu de les polítiques paternalistes de la Empresa Nacional Siderúrgica, S.A (Ensidesa), recayó en manes privaes magar el calter estatal de la empresa. Les Fíes de la Caridá de San Vicente de Paúl asumieron les riendes del centru femenín y la Congregación Salesiana fixo lo propio col masculín. Esta cuestión, anque paradóxica, permitió al Réxime agradecer a la Ilesia’l so sofitu, controlar meyor el profesoráu y, al empar, recuperar la confesionalidá educativa, interrumpida na Segunda República.

Nel añu 1956 inauguróse’l primeru de los centros, un edificiu esceicional venceyáu al Movimientu Modernu y arrequexáu nun segundu planu tres la Plaza Mayor. Les sos ocho aules viéronse sobrepasaes nel primer cursu, con más de cuatrocientas matrícules aceptaes. Nél sobresal un trabayu minuciosu nel plantegamientu de los espacios y de los sistemes de circulación. Al esterior rescamplen les cuatro potentes viseres y, nel interior, un total de dieciséis pintures murales qu’adornen les clases, feches por Javier Clavo, Juan Ignacio de Cárdenas y Luis Echanove.

La demanda escesiva d’espaciu escolar fixo necesaria la construcción d’un centru educativu nuevu nuna finca asitiada xunto al parque infantil. Entamáronse asina les obres de la escuela de neños con proyeutu de Francisco Goicoechea, inaugurada nel 1959. Mentanto, esa necesidá suplióse cola construcción d’unes escueles provisionales compuestes por nueve estructuras prefabricaes, conocíes popularmente como «tubos».

El colexu masculín cuenta con diez aules distribuyíes nun cuerpu baxu qu’arrodia un nucleu de dos plantes, diseñáu p’agospiar un gran salón de actos y l’espaciu d’alministración y xestión. Dambos pisos tán comunicaos por una escalera helicoidal espléndida, concebida y asitiada de manera cuasi escultórica nel centru del hall. Al igual que’l colexu de neñes, recalca l’usu de los alerones esteriores anque con menor protagonismu visual, asina como los murios-cortina d’aluminiu y vidru, anguaño desapaecíos, que facilitaben l’apertura total de les aules al esterior.

Rubén Domínguez Rodríguez

 

GALERÍA D'IMAXES