Hospitalín d’ENSIDESA

Industries

Hospitalín d'ENSIDESA

El Cruce-Llaranes, Avilés

374419021

Pobláu de Llaranes

Colegio de Niñas

374973933

Escueles de Llaranes

374419314

Escuela d'Aprendices

Sala de espera

374418863

Hospitalín d'ENSIDESA

398975552

Viviendes de Inxenieros

Conjunto Industrial de ENSIDESA

420755929

Conxuntu Industrial ENSIDESA

394501453

Bateríes de Cok

L’Hospitalín, pola propia naturaleza de los servicios que daba, foi ún de los primeros edificios de calter social inauguraos na Empresa Nacional Siderúrgica, S.A (ENSIDESA.

Al finar el «añu 1955 taba cuasi terminada, y a piques d’entrar en serviciu, la Clínica construyida dientro del recintu de la factoría, dotada de les más modernes instalaciones quirúrxiques y serviciu de rayos X, análisis y reconocimientos médicos, nel que serán atendíos tolos productores de la factoría que lo requieran». Asina narraba l’Instituto Nacional de Industria (INI), na so memoria del 1955, los avances na construcción del edificiu. Coles más modernes teunoloxíes del momentu, con personal procedente de toda España y coles Hermanes de la Caridá como personal auxiliar, entró en funcionamientu’l centru de servicios sanitarios a entamos del 1956. Asitióse na carretera Avilés-Xixón, na so interseición colos accesos a Llaranes y a la factoría.

El proyeutu orixinal, que llegó a los nuesos díes con trés fases constructives diferentes, presentó un inmueble con planta en forma de L y trés niveles (un suétanu, planta baxa y primer pisu). Los materiales emplegaos son, de manera principal, lladriyu y formigón. Hacia la carretera garra protagonismu especial una estructura absidiada semicircular con zarramientu de bloques de vidru pavés, qu’acueye nel so interior una escalera helicoidal al empar que facilita la entrada de lluz natural al antepar.

Nel suétanu distribuyéronse les estancies de servicios, como la llavandería, el llaboratoriu o la sala d’autopsies. El Centru tien sales de consulta, de rayos, quirófanos y cuartos pa hospitalización. Amás, tamién tien una biblioteca especializada y una capiella consagrada nel 1970, clausurada nel 2017.

Nes décades restantes del sieglu XX l’edificiu de Servicios Sanitarios pasó per dos ampliaciones que-y dieron la so configuración actual. La primera convirtió la planta en L nuna planta n’U, creando una pasarela acristalada que comunica les dos ales. A últimos de sieglu acometióse una tercer ampliación p’agospiar una piscina cubierta y espacios de rehabilitación necesarios pa los servicios médicos d’ArcelorMittal n’Avilés.

Rubén Domínguez Rodríguez

GALERÍA D'IMAXES