Ye una promoción con asemeyances evidentes cola vecina promoción de Sociedad Hullera Española, dalgo comprensible teniendo en cuenta la conexón ente les dos empreses. Nel 1920 Juan Rovira, apoderáu de la sociedá y inxenieru de la SHE, solicita al Conceyu de Mieres llicencia pa la construcción d’un edificiu de viviendes pa emplegaos.
Esta promoción encuádrase tipolóxicamente dientro del tipu de vivienda obrera coleutiva más habitual na cuenca d’El Caudal, el cuartel, que tien como rasgos carauterísticos la planta rectangular mui acusada, la superposición de dellos pisos n’altura y el corredor que percuerre la fachada principal nes plantes superiores pa confluyir, nesti casu, na fachada este, onde s’apegó nun primer momentu la escalera d’accesu dende la cai. Per detrás ábrense galeríes nes plantes superiores, elementos volaos tamién carauterísticos d’esti tipu de construcciones.
Mónica García Cuetos
Comentaris recents