Depósitu d’Agües de Viḷḷapindi

Minería

Depósitu d'Agües de Viḷḷapindi

Turón, Mieres

Una de les innovaciones aportaes pola obra del inxenieru de Caminos Ildefonso Sánchez del Río ye’l so prototipu de depósitu d’agua, del que construyó dellos, fundamentalmente nos años nos qu’ocupó’l puestu d’inxenieru municipal d’Uviéu (1924-1941).

El primeru d’ellos será’l IV Depósitu d’Agua d’Uviéu (1926-1928), al que-y siguirán otros similares, anque de capacidá menor, como’l llocalizáu na zona alta de Turón, proyeutáu nel añu 1930. Siguiendo’l modelu uvieín, presenta planta circular con cubierta de forma xeométrica formada por una cadarma de nervios sobre les que se sofiten llámines de formigón armao. Nel centru llevántase un cilindru destacáu n’altura y de planta poligonal qu’acueye la cámara de llaves.

Una obra d’esta importancia respondía a la necesidá de garantizar l’abastecimientu d’agua a una población que crecía al ritmu de la so actividad minera, que, con Turón como nucleu de referencia, estendíase per tol valle.

Mónica García Cuetos

GALERÍA D'IMAXES