Yá Xovellanos plantegara la necesidá del enseñu de la mineraloxía, y gracies al so impulsu, nel 1794 entamen les clases nel Real Instituto de Náutica y Mineralogía instaláu en Xixón.
Magar l’enfotu de Xovellanos, la puesta en marcha d’un centru específicu pa la formación de téunicos retrasaráse hasta l’añu 1849, nel que se promulga la Llei de Mines qu’afita la creación d’Escueles Práutiques de Mines n’Almadén y Asturies. Nel 1854, col xeólogu alemán Guillermo Schulz como direutor, entama l’actividá docente na Escuela Práutica de Mines de Mieres, de la que los alumnos salíen col títulu de Capataz. Importantes inxenieros combinaron el so trabayu nes grandes empreses mineres y siderúrxiques asturianes cola docencia na escuela mierense; foi’l casu de Jerónimo Ibrán o Francisco Gascué.
Mónica García Cuetos
Comentaris recents