Vicente Figaredo, fíu del fundador de la empresa Minas de Figaredo, fai construyir la que será la residencia familiar en Figareo, cerca de la esplotación minera de la so propiedá. L’arquiteutu encargáu será Enrique Rodríguez Bustelo, que nesos mesmos años, 1917-1929, firmaba proyeutos similares pa otres grandes empreses como la Sociedad Metalúrgica Duro Felguera.
El xalé de los Figaredo presenta una planta dinámica compuesta por dellos volúmenes, propia de l’arquiteutura del movimientu modernu, combináu con otros rasgos carauterísticos de l’arquiteutura nórdica y bretona, como la inclinación acusada de la cubierta o’l tratamientu decorativu de los cuerpos sobreelevaos nella. La repetición de vanos de desendolcu vertical ye un recursu habitual na obra de Rodríguez Bustelo.
Mónica García Cuetos
Comentaris recents