Minería
Hasta lo primero del sieglu XX la mayor parte de les escueles nun teníen edificiu propiu, considerándose como tal cualquier espaciu onde un maestru o maestra axuntaben con un grupu d’alumnos. Nel valle de La Güeria, pa esti fin, usábense los adrios de les capielles, edificios particulares alquilaos y inclusive instalaciones industriales vieyes, como la llampistería de les mines de monte de La Quemá, en Brañella.
Les escueles de La Güeria, incluyíes nel IPCA, son promovíes pol Conceyu a lo último del 1914, anque nun son recibíes les obres hasta’l 1917. Pel añu siguiente dotóse-yos de lletricidá, ameyoróse’l saniamientu y pavimentáronse los patios y accesos. El llugar escoyíu foi la finca El Praduco, propiedá de Felipe González de Piñera, col contratista José González García como autor de la obra por un presupuestu cercanu a les 16.000 pesetes, que, sicasí, amplióse pola necesidá d’incorporar una muria de contención.
Ye un edificiu de planta rectangular, asitiáu nuna altura sola, techáu a cuatro agües con caballete paralelu a la fachada principal. Ye pa rescamplar el tratamientu cuidáu de los vanos y del volume que da accesu al inmueble, un poco adelantáu y rematáu por un frontón escalonáu.
GALERÍA DE IMAXES
Comentaris recents