Hospitalín de la SHT

Minería

Hospitalín de la SHT

Turón, Mieres

372626334

Vivienda de La Cuadriella

372934258

Hospitalín de la SHT

Nel añu 1926 Rafael del Riego y Ramón, direutor téunicu de la Sociedad Hulleras del Turón (SHT), solicita al Conceyu de Mieres llicencia pa la construcción d’un pabellón pal serviciu sanitariu de la empresa.

El proyeutu firmáralu dos años enantes José Avelino Díaz y Fernández Omaña, arquiteutu municipal qu’al empar desendolcará un importante llabor pa la SHT cola realización de más d’una docena de trabayos. 

L’edificiu construiráse en La Cuadriella, un espaciu fundamental pa la hullera nel que tendrán sitiu instalaciones como los llavaderos, la fábrica de subproductos o la central llétrica, amás d’otros de calter social, asistencial o residencial, como viviendes pa emplegaos, economatu, ilesia o centru sanitariu.

L’hospital contaba con consulta, quirófanu, sales d’espera, oficina y sala de reposu. L’abondancia de vanos, les moldures que percuerren les fachaes y el vistosu remate del accesu principal dan una imaxe elegante al edificiu.

Mónica García Cuetos

GALERÍA D'IMAXES