Industries
La Venecia, fundada nel añu 1942, siguió’l camín d’otres conserveres precedentes como La Arenesca, a la hora de crear un establecimientu industrial d’estes carauterístiques na población naviega de Veiga, nun entornu afayadizu pa esti tipu de producción.
Nesta ocasión les instalaciones inauguráronse nel propiu cai, aprovechando l’allugamientu de la vieya fábrica de conserves Las Tuervas, pero promoviendo la construcción d’un nuevu y modernu edificiu d’ochocientos metros cuadrados. La fachada principal compónse de trés cuerpos de carauterístiques asemeyaes remataos por frontones escalonaos onde tomen especial relevancia los vanos acristalaos. El cuerpu central ta coronáu por una estructura cúbica que-y da mayor altura qu’a los llaterales.
El so usu industrial perduró hasta’l 1962, y anguaño caltién nos sos baxos almacenes pa pescadores y un restorán na parte superior.
Rubén Domínguez Rodríguez
GALERÍA D'IMAXES
Comentaris recents