El proyeutu redautólu José Avelino Díaz y Fernández Omaña (1889-1960), qu’ocupó’l puestu d’arquiteutu municipal dende’l 1919 hasta’l 1932. A lo llargo d’esos años desendolcó un intensu llabor al serviciu del conceyu y atendiendo encargos privaos, munchos d’ellos de la Sociedad Hulleras del Turón.
L’edificiu presentaba orixinalmente planta en ‘U’ con dos pabellones llaterales y ún central, amás d’un patiu posterior descubiertu y un espaciu axardináu d’usu públicu frente a la entrada principal.
Rescampla’l llamativu usu del lladriyu en franxes qu’organicen horizontal y verticalmente les fachaes y el tratamientu monumental de la fachada principal con un cuerpu central y dos llaterales destacaos en planta y n’altura, y remataos con frontones triangulares y bayura d’elementos decorativos.
Mónica García Cuetos
Comentaris recents