Minería
La Sociedad Industrial Santa Bárbara fundóse nel añu 1895 por un grupu d’inversores col inxenieru y empresariu José Tartiere Lenegre como promotor principal.
La SIA esplotará un númberu importante de concesiones mineres nel conceyu d’Ayer, organizaes en grupos como’l de Pontones, nel valle d’El Río Nigru. El treslláu de la producción d’esti grupu garantizóse per aciu d’un ramal qu’enllazaba col tranvía de vapor proyeutáu pola empresa nel 1914 que dende la población de L’Oyanco, centru lloxísticu de la SIA, siguía sobre la carretera hasta Uxo-Taruelo, onde coneutaba col Ferrocarril Vasco Asturiano pa, finalmente, llegar a la estación del Ferrocarril del Norte de Santuyano.
Les sigles de la compañía y la fecha de la so construcción son entá visibles na bocamina principal del grupu Pontones, qu’entovía se conserva.
La SIA formó parte de les nueve primeres compañías incorporaes n’HUNOSA, nel 1967. Un añu más tarde, los sos xacimientos trancaron por agotamientu.
GALERÍA D'IMAXES
Comentaris recents