Minería
372449984
Pozu Carrio
375438832
Puente Rimoria
372423981
Coto Musel
398874937
Mina La Sota
L’aumentu de los aranceles a la importación de carbón y l’Estatutu Hulleru faen que na década del 1920 distintes mines asitiaes na periferia del xacimientu, y entovía ensin acudir a grandes inversiones como afondamientos, puedan desendolcase con soltura y rentabilidá nel mundu siempre complexu del carbón n’España.
Ésti ye’l contestu nel que se desendolquen les empresas hulleres de Joaquín Velasco, inxenieru de mines vallisoletanu, representante del Estáu na Asamblea Nacional Consultiva primorriverista ente’l 1927 y el 1930, y innovador empresariu pecuariu al traviés d’una moderna finca n’El Duero. Velasco entra na esfera minera llueu del so matrimoniu con una heredera de Nespral y Compañía nel 1905, y con esta empresa afondó los pozos Entregu y Sorriego, y, en solitariu, como contratista, abrirá otru más en Pumarabule (Santa Marta Carbayín) enantes de tomar n’arriendu Coto Musel y facese coles concesiones onde s’asitia La Sota, entrambes en Llaviana.
La Mina La Sota pasó a la historia, sobre manera, pol accidente asocedíu’l 28 de mayu del 1924, nel que diez mineros finaríen pola inhalación de monóxidu de carbonu. Una llábana pagada pol empresariu recuerda esti terrible socesu nel cementeriu llavianés.
GALERÍA DE IMAXES
Comentaris recents