Grupu Santo Tomás

Minería

Grupu Santo Tomás

Turón, Mieres

La Sociedad Hulleras del Turón, constituyida en Bilbao nel 1890 col empresariu vascu Víctor Chávarri como impulsor principal, entama la so actividá nesti valle de Mieres esplotando un grupu de concesiones mineres que s’articulaben en cuatro grupos: San Víctor, San Pedro, San Francisco y Santo Tomás.

El grupu Santo Tomás asitiábase nes cercaníes de La Cuadriella, cerca de la población de Repipe. Esta esplotación de monte, que llegó a contar con cinco pisos, será recordada pol gravísimu accidente qu’acabó cola vida d’once mineros el 14 d’agostu del 1967. Con estes víctimes zárrabase la tráxica llista de finaos nel grupu que llegaba, na so historia, a la trentena.

Nel 1968 produzse la integración de la SHT n’HUNOSA y, con ella, tolos sos activos y centros d’esplotación pasarán a la hullera pública. Un añu más tarde llega’l cese de l’actividá estractiva nel grupu Santo Tomás.

Mónica García Cuetos

GALERÍA D'IMAXES