Minería
375987986
Accidentes Mineros
375428653
Llocomotora SHE 8
371956051
Pozu San José
Nel 1918 Altos Hornos de Vizcaya faise cola totalidá de les aiciones de la Sociedad Hulleras del Turón (SHT). Tres la Guerra Civil la empresa considera la necesidá d’un aumentu importante de producción que, amás d’atender les esixencies plantegaes pol Réxime, asegure’l suministru a la planta siderúrxica vasca. Pa ello pon en marcha un plan ambiciosu qu’incluya l’afondamientu y modernización de les instalaciones del Pozu Santa Bárbara y la puesta en marcha d’un campu nuevu d’esplotación, el Pozu San José, nel barriu La Ribaya de Turón.
Francisco de la Brena, direutor téunicu de la SHT, será l’encargáu de la puesta en marcha del pozu, que contará con 7 plantes, 500 metros de fondura y una capacidá de producción prevista de 2.000 tonelaes diaries.
El proyeutu de construcción del Pozu San José será obra, al igual que la reforma de los edificios principales del Pozu Santa Bárbara, del arquiteutu Francisco González López-Villamil, que contará cola collaboración del inxenieru de caminos Ildefonso Sánchez del Río. Rescampla’l magníficu edificiu de la casa de máquines, con una estructura formada por un sistema de pórticos de formigón armao con dos espacios, ún destináu a la máquina d’estraición y otro p’agospiar los compresores. La inauguración oficial del pozu tendrá llugar el 25 de setiembre del 1957, el mesmu día que la factoría d’ENSIDESA d’Avilés.
La incorporación n’HUNOSA nel 1968 supón, non sólo la desapaición de la SHT, sinón el fin de la planificación individualizada de los pozos. Incluyíos na organización territorial de la empresa estatal, les decisiones sobre funcionamientu, obres, inversiones o personal formarán parte de la estratexa de la hullera pública. En concreto, nel Plan Xeneral de Reestructuración de la Empresa HUNOSA del 1972, contémplase la concentración de ciertos servicios nel Pozu San José, como la ventilación, el desagüe o’l rellenu, pa lo que se decide que dambes esplotaciones tean auníes a partir de la planta octava.
L’actividá nel pozu siguió hasta l’añu 1993. Tres dellos años d’abandonu faise la restauración del castillete y los edificios principales nel añu 2008.
GALERÍA D'IMÁXENES
Comentaris recents