Tresportes
Los primeros edificios destinaos a la puya y venta de pescaos apaecen a lo primero del sieglu XX; hasta esi momentu eses transacciones facíense nos muelles. Nel 1928 constrúise la rula de Veiga, en manes de la Cofradía de Pescadores Nuestra Señora de la Atalaya.
Ye un edificiu pequeñu con una llamativa fachada organizada en trés cais, con abondosos elementos decorativos como moldures sobre los vanos, llinies d’imposta y recursos como’l remate con óculu y la espadaña que-y dan un marcáu calter monumental. Na década de los noventa del sieglu pasáu amplióse l’espaciu disponible col anexu d’un edificiu nuevu na parte posterior.
La cofradía punxo en marcha un interesante programa de visitaes guiaes que permiten, amás, presenciar la puya de pescáu. Como complementu instalóse un aula didáutica dientru del edificiu col oxetivu de dar a conocer la historia de la pesca y la so importancia pa la población naviega.
GALERÍA D'IMAXES
Comentaris recents