Socavón Santa Bárbara

Minería

Socavón Santa Bárbara

Santa Bárbola, Samartín del Rei Aurelio

Castillete

371696977

Pozu El Cerezal

Bocamina Prau Molín

372421676

Bocamina del Prau Molín

372420807

Socavón Santa Bárbara

El paisaxe del valle de Santa Bárbola, en Samartín del Rei Aurelio, ta anguaño domináu pola amplia gama de verdes d’Asturies, qu’enmarquen un apacible poblamientu qu’ocupa los escasos espacios llanos y, sobre manera, les lladeres, integrándose harmónicamente col entornu. Pero a poco qu’observemos con más detenimientu apaecerán los restos del intensu llabor mineru d’un valle onde miles de homes y muyeres a lo llargo de delles xeneraciones vivieron produciendo carbón pa España. Trincheres y ramales ferroviarios, planos inclinaos, bocamines, pozos verticales, llavaderos del mineral, cargaderos y túneles, revelen esi pasado, entovía recién.

La incorporación de les concesiones a la Sociedad Metalúrgica Duro Felguera a partir del 1906 fadrá que la minería del área conoza una etapa nueva y próspera, siendo’l Socavón Santa Bárbara un bon exemplu d’estos cambios. De fechu, esti allugamientu centrará la minería de monte, y cuando ésta amuese’l so agotamientu, afondaráse na so plaza un pozu vertical, el Cerezal, nel 1942. El socavón cuenta con una guapa y robusta portada, mui dañada pol escaezu, coronada por una clave onde s’inscriben, sobre la fecha del 1910, les iniciales de la empresa ente’l picu y la maza.

Faustino Suárez Antuña

GALERÍA D'IMAXES