Minería
371694243
EcoMuséu Mineru de Samuño
372422891
Bocamina La Trechora
Delles foron les compañíes mineres que desendolcaron la so actividá nel valle del Samuño dende los entamos de la minería na zona. Toes elles enfrentáronse a la enorme dificultá del treslláu de la producción al valle principal.
Dos d’eses empreses, Carbones de Santa Ana, propiedá primero d’Herrero Hermanos y incorporada más tarde nes Sociedad Metalúrgica Duro Felguera, y Carbones de La Nueva construyeron a lo últimos del sieglu XIX llinies de ferrocarril pa dar salida a la so producción na zona. Propiedá de Carbones de Santa Ana, esti ferrocarril estendíase dende la bocamina La Trechora hasta la estación del Ferrocarril de Langreo en Sama. La situación d’esta bocamina fixo necesaria la construcción d’un falsu túnel sobre’l ferrocarril de Carbones de La Nueva que pasaba en paralelo a El Río Samuño nuna cota más baxa.
La bocamina presenta una portada na que s’utilicen sillares irregulares sacante nos veros llaterales y el recercáu del accesu onde apaecen sillares con bona talla.
GALERÍA D'IMAXES
Comentaris recents