Taller de Mecanizáu

Les naves equí presentes son de lladriyu macizo visto, elementu utilizáu igualmente na decoración per aciu de frisos y frontones escalonaos. Ye’l casu del taller de mecanizáu, depués de llimes, con una estructura llonxitudinal que cuenta con dos pisos con vanos en forma d’arcu de mediu puntu unos y cuadraos, otros.

Esti edificiu ye un esponente claru del cuidáu arquiteutónicu que se tuvo na fábrica a la hora de facer añadíos y adaptaciones a usos nuevos. Nel 1916 el taller sufre una ampliación, respetando la nave orixinal de lladriyu, con una de les sos fachaes integrada nel interior del espaciu nuevu; añadese-y un cuerpu cuadrangular con cubierta en diente de sierra qu’aporta una gran lluminosidá y onde infinidá de columnes metáliques tengan pola estructura, dando como resultáu una gran zona diáfana con más de 6.000 metros cuadraos.

Manuel Antonio Huerta