Los trabayos entamaron nel añu 1917, incluyendo’l sistema de contención cola presa de Caín y la rede de conducción d’agua hasta l’edificiu de la central. Esta canal ta compuesta por setenta y tres túneles furaos, inicialmente, de manera manual.
L’edificiu, inauguráu en xunu del 1921, tien dos cuerpos de diferente altura, cubiertos entrambos con teyáu a dos agües. El de mayor tamañu cuenta, na so fachada llateral, con un mosaicu cerámicu col nome de la empresa. La maquinaria, que tuvo una adquisición complicada por mor de los conflictos bélicos, ta nuna sala arrodiada por ventanales amplios d’arcu carpanel, sobre los que s’asitia un claristoriu superior articuláu por pilastres. La puesta en funcionamientu de la central d’Arenas arrequexó a la de Camarmeña a un segundu planu.
Rubén Domínguez Rodríguez
Comentaris recents