Almacenes Xenerales

Amás de valtar elementos como la ilesia o la portería del antiguu conventu, constrúinse grandes naves, como les qu’acoyeron los talleres de forxa y templadura y el d’ametralladores, creándose una nueva gran exa paralela a la principal que, al empar, daría pasu a una exa perpendicular que marcaría’l desendolcu posterior del conxuntu.

El taller de forxa y templadura, que pasaría a tener funciones d’almacén xeneral, presenta una estructura de lladriyu con grandes vanos n’arcu de mediu puntu na fachada que da a la cai del recintu; cuenta con frontones qu’intenten recrear la nobleza de les fachaes de les naves decimonóniques. El so interior presenta un gran cuerpu diáfanu que tien l’espaciu pa xeres alministratives nel centru; una arcada sepártalu d’otra seición de menor tamañu que cuenta con una ponte grúa. Nos años últimos, poles sos carauterístiques, ye escenariu habitual d’actividaes culturales, muestra de la versatilidá d’estos espacios.

Manuel Antonio Huerta Nuño