Industries
La fábrica d’embutíos y conserves La Luz inauguróse na redolada de Noreña nel añu 1913.
El conxuntu de les sos instalaciones ta configuráu por una socesión de naves paraleles, sacante un cuerpu de menor altura qu’acueye l’accesu principal, diseñaes por Justo Rodríguez Fernández. Nos años cincuenta sufrieron una ampliación a cargu del so fíu, Enrique Rodríguez Bustelo.
La Luz foi precursora de fábriques posteriores d’embutíos nel mesmu conceyu, y tamién nel emplegu de maquinaria específica diseñada ex profeso pa la producción d’esti tipu d’alimentos. Les seis naves y el cuerpu baxu tán coronaos por un frontón escalonáu con aleros sosteníos sobre ménsules de lladriyu. Esti material tamién ta reserváu, con calter ornamental, a vanos, moldures y esquines.
Anguaño la empresa Frío-Carne Asturias rehabilitóla y caltién el so usu productivu venceyáu a la industria alimentaria.
Rubén Domínguez Rodríguez
GALERÍA D'IMAXES
Comentaris recents