Industries
Les instalaciones productives de Fundición Nodular asitiénse na redolada de la población de Llugones, en Siero. La so fundación remóntase a mayu del añu 1956, por iniciativa de José Suñer Martínez, conseyeru delegáu de Fábrica de Mieres.
Daquella’l puxu siderúrxicu lideráu pola planta avilesina d’ENSIDESA fomentó’l nacimientu d’empreses que se dedicaben, nesti casu, a la fabricación de cilindros pa los trenes de llaminación con materiales reciclaos, como chatarra y lingote. La planta cesó la producción nel añu 2013, momentu nel que contaba con ciento setenta trabayadores en plantía.
La parte más relevante del conxuntu son dos naves ximielgues de gran diafanidá, construyíes de manera perpendicular a la llinia de ferrocarril. La entrada de lluz ta favorecida por grandes zarramientos de pavés y por un llucernariu llonxitudinal asitiáu na cubierta, que favorez la illuminación cenital. Na fachada oeste hai un rótulu en resalte col nome de la factoría.
Rubén Domínguez Rodríguez
GALERÍA D'IMAXES
Comentaris recents