Industries
La villa de Mieres esperimenta un crecimientu dende l’últimu cuartu del sieglu XIX, reguláu per aciu de dos planes d’enanche y reservando, sicasí, al igual qu’asocede n’otres villes industrioses asturianes, esti suelu llanu y bien comunicáu pa les rentes más altes.
Los brazos del crecimientu mineru y, sobre manera, siderúrxicu que configuraben el motor de la villa capitalina alcontraron acomodu nos espacios de borde –como les tradicionales aldees de les lladeres– qu’esperimentaron a lo llargo del sieglu XX grandes incrementos de población.
Un exemplu escelente de cómo esti procesu tresformó una pequeña aldea ye’l casu de La Rebollá, onde Fabrica de Mieres promovió ún de los sos escasos exemplos de promoción residencial d’empresa. Na lladera sobre’l llugar qu’ocupaba la planta siderúrxica s’asitiaron viviendes pa obreros y emplegaos, configurando un espaciu que combina la heteroxeneidá formal y la discontinuidá espacial, nun peculiar conxuntu –anguaño en ruina o mui tresformáu– que baxa hasta l’arranque del monte, onde s’asitó un cementeriu protestante nel que reposen los restos del fundador: Numa Guilhou.
GALERÍA DE IMAXES
Comentaris recents