Llocomotora Eleonore

Tresportes

Llocomotora Eleonore

Mina d'Arnáu, Castrillón

Mina de Arnao

371683810

Mina d'Arnáu

Túnel del Mugarón

375473196

Túneles d'Arnáu

373205154

RCAM

375468918

Llocomotora Eleonore

Barrio de la Fábrica

374429163

Viviendes de la RCAM

La Eleonore foi la primer llocomotora adquirida pola Real Compañía Asturiana de Minas pa la so rede de ferrocarriles d’Arnáu y la sobreviviente última de les llocomotores Couillet mineres que circularon per Asturies.

Anque l’usu de víes nes sos instalaciones de Castrillón data de la década del 1830, la Real Compañía Asturiana de Minas hasta l’añu 1880 nun utilizó per primer vegada la tracción mecánica, nesti casu procedente de la firma Couillet, una casa belga especializada na construcción de máquines pa llinies industriales o mineres. 

Esta firma suministró munches de les primeres llocomotores con destín a los ferrocarriles mineros del Principáu (Fábrica de Mieres, Duro y Compañía, Unión Hullera), amás de los cuatro exemplares que llegaron a circular n’Arnáu.

Ye un exemplar de construcción cenciella na que rescamplen les so ruedes macices, les zapates de frenu de madera o les válvules de seguridá de balanza protexíes de forma parcial por unos llamativos tubos de bronce. Cuenta con dos exes motores y tanques llaterales pa l’agua. La cabina actual ye resultancia d’una reforma posterior; seguramente cuando s’entregó nun tenía y el maquinista taba espuestu a los elementos nel so puestu de trabayu. Foi la única de les Couillet de la Real Compañía que tuvo nome y bautizóse n’honor a la fía d’ún de los inxenieros de la fábrica.

La Eleonore tien la distinción de ser la primer máquina que se conservó como monumentu n’Asturies. Retiráronla del serviciu a entamos de los años sesenta y conservóse como reliquia, primero na factoría d’AZSA en San Xuan y más tarde nel interior del antiguu pozu d’Arnáu. Ye la última sobreviviente de les Couillet mineres que circularon per Asturies y tamién la única máquina d’anchu de vía de 800 milímetros que se conserva n’Asturies. Rescampla amás porque caltién cuasi tolos elementos orixinales, restauraos con motivu de la intervención fecha nel añu 2010.

Guillermo Bas Ordóñez

GALERÍA D'IMAXES