Minería
Sobre unos xacimientos beneficiaos dende’l primer terciu del sieglu XIX –anque se documentaron resclavos de romanización– desendólcase la Mina Delfina, la que fora la esplotación cuprífera más importante d’Asturies depués de les mines de L’Aramu.
A lo primero del sieglu XX, baxo propiedá d’Alda Copper Mines, la producción unviábase a una planta asitiada n’Arenas. Nes décades siguientes asocederánse distintes sociedaes na propiedá del xacimientu, siendo unes nacionales y otres estranxeres, ingleses; nel 1954 la Sociedad Minero-Química Española clausuraríala. Dos años más tarde adquierla la Sociedad de Cobre Electrolítico y Metales de Xixón, que tenía nesta ciudá una instalación pa la electrólisis del cobre, consumiendo metales tanto de Cabrales como de L’Aramu.
Clausurada definitivamente a lo último de la década del 1950, na vieya Mina Delfina entovía pueden vese distintos restos de l’actividad estractiva, como cargaderos y otres construcciones. Rescampla’l castillete, una cenciella estructura metálica de soldadura que se llevanta como solitariu recordatoriu de la intensa actividá minera d’esti sector asturianu.
GALERÍA DE IMAXES
Comentaris recents