Minería
El Grupo Minas de la Serna entamó la esplotación d’esti sector nel añu 1956, aprovechando la riqueza mineral d’una sierra cuarcítica cortada pel ríu Nalón a l’altura de Peñaflor.
Na so oriella derecha, nel conceyu de Grau, esi añu abriría la galería de Mina Casualidad, de la que se conserva la so bocamina cementada cola fecha y los símbolos mineros, asina como un cargaderu.
Na oriella izquierda, perteneciente al conceyu de Candamu, nesa mesma fecha se principiaría a esplotar la Mina Mariqueta, formando un únicu grupu d’esplotación que nel 1971 algamaría’l so máximu, con cien mil tonelaes añales y más de 300 trabayadores, siendo’l mayor productor nacional de caolín, destinao fundamentalmente a fabricar chamota refractario, producío pola empresa Arcillas Refractarias del Otero, perteneciente al grupu de La Serna. Los trabayos terminaríen nel 1996 y d’estos consérvense restos d’edificios, almacenes y bocamines.
GALERÍA D'IMAXES
Comentaris recents