Minería
Na redolada del pequeñu llugar de Vallongu hebo un importante llabor mineru alredor del fierro con una historia venceyada a la de la Fábrica d’Armes de Trubia.
Los puntos d’estraición principales foron dos, la conocida como Mina Christi, puesta n’esplotación a entamos del sieglu XX por parte del empresariu xixonés Francisco Warrempoly, y Mina Julia, la más antigua.
Estos criaderos yá se citaben en Dictamen, ellaboráu por Casado de Torres nel 1792, anque la esplotación de Mina Julia empicipiaría nel 1848 pa suministrar de fierro a la fábrica armamentística trubieca dirixida por Elorza. Los trabayos facíense al traviés d’un pozu planu dotáu d’un pequeñu ferrocarril de tracción manual; principiáu’l sieglu XX ampliaríense per una galería y la so esplotación correspondería a la Sociedad Fomento Industrial de Asturias hasta’l so cese al entamu de la Guerra Civil. Anguaño consérvase’l gran socavón y entrada a les galeríes, onde’l coloráu intenso del mineral llama l’atención ente la mestura qu’arrodia esti xacimientu.
GALERÍA D'IMAXES
Comentaris recents