Arte y cultura
Ye una fonte monumental llevantada n’honor de los hermanos Felgueroso, activos empresarios mineros naturales de Ciañu. Anque nun primer momentu’l llugar escoyíu foi otru, finalmente allugóse nel parque públicu d’esa población que, amás, lleva’l nome d’una de les hermanes de los homenaxaos, Rosario Felgueroso.
Nel proyeutu del 1957 participen l’arquiteutu llangreanu Juan José Suárez Aller y el so colega madrilanu Fernando Cavestany. El monumentu compónse d’un estanque d’agua de planta rectangular colocándose en caún de los sos llaos curtios un conxuntu escultóricu. Nel más cercanu a la cai principal apaecen trés figures masculines sobre pedestal prismáticu, representando a mineros llevando ferramientes propies del so trabayu, con un tratamientu anatómicu esquemáticu y tendente a la idealización. Nel otru estremu asítiense trés bloques prismáticos de base rectangular recubiertos de piedres sillares. Nel frente presenten relieves de temática industrial y na parte posterior elementos escultóricos astrautos que simbolicen los productos resultáu del trabayu na mina y na industria.
GALERÍA DE IMÁGENES
Comentaris recents