Arte y cultura
372918471
Nave del Grupo Ilgner
372922230
Taller d'Axustes
372916796
Nave d'Acería 1
373203407
Muséu de la Siderurxa
372920668
Factoría de Duro Felguera
374418752
Barriu d'Urquijo
522819004
Locomotoras Pedro Duro
La puesta en marcha en 1856 de la fábrica de fierros de la empresa Duro y Compañía traduzse na nacencia de la población de La Felguera, en Llangréu. Esti complexu siderúrxicu, promovíu pol empresariu rioxanu Pedro Duro Benito, caltiense n'activu hasta la década de 1980. Xunto con Fábrica de Mieres y Fábrica de Moreda y Gijón, esta sociedá forma’l conxuntu d'empreses siderúrxiques privaes que funcionaron na nuesa rexón hasta que la dura competencia de la empresa pública ENSIDESA y-os obligó a integrase nella y, finalmente, a zarrar les sos instalaciones.
En La Felguera consérvase un interesante conxuntu patrimonial (en gran parte reutilizáu) testigu d’esa llarga actividá. Nél destaca l'antigua torre de refrixeración de la fábrica, que güei alluga'l Muséu de la Siderurxa d'Asturies.
Nel so interior, el visitante pue conocer la hestoria de la factoría de Duro Felguera y con ella la de la industrialización asturiana. El carbón, abondosu na zona y materia primo fundamental pa la fabricación del fierru y del aceru, ye’l puntu de partida d'un rellatu contáu al traviés de paneles, maquetes y vitrines nes que s'esponen documentos, indumentaria y ferramientes orixinales.
Los percorríos esteriores qu'ufierta'l MUSI permiten conocer el desendolcu urbanu de La Felguera y el so espoxigue al ritmu de la fábrica, con exemplos relevantes de vivienda obrera, edificios escolares, asistenciales, relixosos o d'ociu, orixinaos como resultáu de la intensa actividá constructiva de la empresa.
Per otru llau, foi recreada y abierta al públicu una vivienda obrera nuna de les promociones más interesantes de la nuesa rexón, el Barriu del Marqués d’Urquijo, obra del arquitectu asturianu Enrique Rodríguez Bustelo (Noreña, 1885- Uviéu, 1983). Como complementu a los conteníos ufiertaos nel muséu, nesta casa el visitante pue averase a la vida d'un trabayador fuera del so entornu llaboral.
GALERÍA DE IMÁGENES
Comentaris recents