Naves de Bombes Kaplan

Deben el so nome al so inventor, l’inxenieru austriacu Viktor Kaplan, y carauterícense por tener la capacidá de variar l’altura d’aspiración del agua en grandes caudales, adaptándose a les variaciones de la marea. Caún de los inmuebles alberga trés bombes, con una capacidá individual de 4,5 metros cúbicos per segundu. Cola so instalación n’Avilés, ENSIDESA alimentó los circuitos de refrixeración de la central térmica, emplegando agua filtrao.

Los edificios cuenten con una estructura sustentante de formigón armao, dexando’l lladriyu pa los murios de zarramientu. Rescampla l’orixinal plantegamientu de los vanos rectangulares, en trés altures na fachada principal y de manera aleatoria nes llaterales. Magar el so interés notable, bombes Kaplan nun cuenta con tipu de proteición patrimonial nengún.

Rubén Domínguez Rodríguez