Arte y cultura
Un valle de fonda tradición minera, estráu d’esplotaciones con una siniestralidá alta, paecía esixir la creación d’un espaciu dedicáu al recuerdu de tolos mineros finaos.
El llugar escoyíu foi l’ocupáu por una de les bocamines del Grupu San Francisco-San José, propiedá de la empresa qu’ocupó coles sos mines una bona parte del valle: la Sociedad Hulleras del Turón. Na vieya bocamina una semeya de gran tamañu amuesa a un mineru y una mula arrastrando un vagón; el restu del pañu del muriu cúbrese con 19 plaques metáliques nes que se reproduz el nome de caún de los trabayadores que perdieron la vida, ordenaos por esplotación y fecha de la muerte.
El monumentu, inauguráu nel añu 2006, patrocinólu Marcelino Escudero, un turonés enfotáu na recuperación de la memoria histórica del valle. Cerca, un bustu recuerda’l so llabor. Cada año, na festividá de Santa Bárbola, faise nesti llugar una ufrienda floral.
GALERÍA D'IMAXES
Comentaris recents