Llocomotora Santa Bárbara

Tresportes

Llocomotora Santa Bárbara

Muséu del Ferrocarril d'Asturies, Xixón

373211437

Fábrica de Mieres

527432125

Llocomotora FM 102

522717837

Llocomotora FM 307

522717732

Llocomotora Santa Bárbara

Museo del Ferrocarril

375428265

Muséu del Ferrocarril

Una de les munches xoyes que guarda’l Muséu del Ferrocarril d’Asturies ye la llocomotora SANTA BÁRBARA. El so orixe atopámoslu fuera d’Asturies, concretamente en Guipúzcoa, yá que la construyó nel 1907 la firma alemana Arnold Jung pa la Compañía de las Minas de Hierro de Arditurri. Esta empresa executó un ferrocarril dende les esplotaciones que-y daben nome hasta’l puertu de Pasaia, onde s’embarcaba’l mineral.

La situación financiera del so propietariu complicóse y, nel 1911, la SANTA BARBARA embargóse xunto con otros bienes pertenecientes a la empresa. Paez ser que foi adquirida en puya pública por Fábrica de Mieres, que necesitaba reforzar el so parque motor, sobre manera na llinia de Baltesara, que contaba con un perfil bastante difícil.

La máquina yera especialmente apta pa esi trabayu: con trés exes motores y una amplia caldera desendolcaba una gran potencia pa un anchu de vía de 750 milímetros. Si a ello xunimos el so bastidor esterior y una peculiar cabina con perfil en S que s’adautaba a los túneles del ferrocarril guipuzcoanu, el resultáu ye un exemplar realmente únicu.

En Mieres conservó’l so nome orixinal, qu’honra a la patrona de los mineros, y recibió amás el númberu 12. El so resultáu foi esceicional, lo que la convirtió na máquina favorita de los ferroviarios que trabayaron con ella, y inclusive motivó a Fábrica de Mieres a encargar otru exemplar idénticu, bautizáu como MARIANA.

La nuesa protagonista, qu’hacia l’añu 1960 recibiría’l númberu 111, tuvo funcionando na llinia de Baltesara y, posteriormente, tamién na de Polio, remolcando trenes carboneros. Pasó nel 1967 a manes d’HUNOSA y retiróse del serviciu pocu tiempu depués cola llegada de les llocomotores diésel. Quedó apartada nes víes d’El Batán y yá dende un primer momentu delles voces reivindicaron la so conservación como una de les máquines más representatives de l’antigua Fábrica de Mieres.

Esa condición garantizó la so sobrevivencia como monumentu, xunto con un vagón de carbón, anque con un importante esgaste. Restaurada nos años noventa per parte d’HUNOSA, cedióse finalmente al Muséu de Xixón, onde s’espón anguaño

Guillermo Bas Ordóñez

GALERÍA D'IMAXES