Nel 1872 pasarán a manes d’Adolphe d’Eichtal y Cía, constituyida en París esi mesmu añu, na que participaben, amás de la Gran Duquesa, los financieros Pablo Lafitte y el que daba nome a la sociedá. De la direición de Mina Mosquitera fadráse cargu nel 1874 l’inxenieru Luis Adaro y Magro que, pocu tiempu depués, tamién asumirá les de Mina María Luisa y La Justa. Será’l propiu Adaro’l que propicie la fusión d’estes sociedaes nel 1884, creando la Unión Hullera y Metalúrgica de Asturias.
La modernización de les esplotaciones mineres asturianes será un empeñu d’esti inxenieru y amuesa d’ello, la introducción nel 1881 en Mosquitera del arrastre por caballeríes y vagón sobre carril.
Tres la fusión de la Unión Hullera y Duro Felguera nel 1906, Mosquitera pasará a manes de la empresa siderometalúrxica, qu’afondará’l pozu del mesmu nome nel 1926.
Mónica García Cuetos
Comentaris recents