Tresportes
La historia de Ribeseya tuvo siempre condicionada pola del so puertu, que dende lo últimu del sieglu XVIII sufrió importantes tresformaciones encaminaes a la so modernización.
Nesti espaciu consérvase un valiosu conxuntu patrimonial nel que rescamplen dos edificios xeneraos nes décades de los trenta y cuarenta del sieglu pasáu, la rula y el mercáu d’abastos, a los qu’hai que sumar la única fábrica de conserves que permanez en pie, la de la sociedá Hijos de Carlos Albo.
L’edificiu de la rula concibióse como un conxuntu de gran desarrollu horizontal con distintos volúmenes, caún d’ellos con una función. L’espaciu destináu a sala de puyes rescampla n’altura al contar con una galería superior que s’abre al esterior con una socesión d’óculos. El restu de los volúmenes destínense a oficines, fábrica de xelu y naves p’almacenes. Diose-y un tratamientu diferenciáu a les dos fachaes principales: na abierta al puertu destaca’l cuerpu central de planta semicircular y na que mira hacia la villa lluz en grandes carauteres la función del inmueble.
GALERÍA D'IMAXES
Comentaris recents