Archivu Históricu d'HUNOSA - Patrimonio Industrial Asturias

La hestoria quixo asina que aquel procesu de concentración industrial empecipiáu nos años sesenta convirtiérase, pasaos los años, en tabla de salvación d'importantes fondos d'empresa para la historia industrial d'Asturies y d'España. Esta xera de recuperación de fondos y documentos sigue entá anguaño activa. Con 30.000 m2 a la so disposición y enclaváu nel históricu Pozu Fondón l'Arquivu Históricu d'HUNOSA conviértese de facto nel arquivu mineru más importante d'Asturies y unu de los mayores d'España y d'Europa. Son más de 30 los fondos d'empresa que curia na actualidá y el so solu enunciáu remembra'l pasáu industrial y mineru d'Asturies: Minas de Lieres, Hulleras de Veguín y Olloniego, Minas de Llangréu y Siero, Hulleras de Turón, Sociedad Hullera Española, Sociedad Metalúrgica Duro Felguera, Carbones Asturianos, Carbones La Nueva, Fábrica de Mieres, Mina Coto Musel, Minas de Figaredo, Real Compañía Asturiana de Minas, Sociedad Industrial Asturiana, Sociedad Lenense Asturiana, Sociedad Hullera y Metalúrgica Asturiana, Sociedad Hullera d'Uxo, Carbones de Llangréu, Caudal y Ayer, Carbones del Pontico, Minas La Encarnada, Minas de San Vicente, Minas de Riosa, Mina Tres Amigos, Nespral y Compañía, Nuevo Montaña Quijano, Industrial Asturiana S. Bárbara, Compañía de Carbones, Industria y Navegación, Compañía Industrial Minero Ástur, Minas Particulares y la mesma HUNOSA (ésti postreru nun ta abiertu a consulta pública). Como asocede n'otros casos, atopamos equí los fondos mineros d'empreses asturianes emblemátiques que se caltienen nos sos respectivos arquivos lo que complica entá más la hestoria archivística d'estos fondos. Éstes son les sos cifres: