Tresportes
527360307
Llocomotora HT 120
522717895
Coche HT RN
522829745
Llocomotora HT 110
522493204
Locomotora HT 14
344349306
Coche HT 600
522717533
Llocomotora Turón 3
El tresporte de personal foi ún de los cometíos auxiliares que facíen los ferrocarriles mineros asturianos. Yera una operación de baldre y necesaria yá que, con frecuencia, los trabayadores vivíen a daqué distancia de los sos centros llaborales. Tamién yera frecuente que viaxaren los sos familiares si asina lo necesitaben, como les muyeres que diben a la compra al economatu de la propia compañía. Los trenes circulaben coincidiendo siempre colos horarios d’entrada y salida de los turnos de trabayu y paraben nos apartaderos de los diferentes grupos mineros.
Ente les empreses que dieron esi tipu de servicios taba Hulleras del Turón, que llegó a contar con trés itinerarios diferentes qu’enllazaben ente sí y vertebren el tresporte de viaxeros en tol valle. Ún d’esos esllabones yera’l que ponía esti serviciu dende La Cuadriella hasta Fortuna pela llinia de vía d’anchu de 600 milímetros.
Pa ufrir esi serviciu la empresa contó con un conxuntu de coches de viaxeros de dos exes, puestos en funcionamientu ente les décades del 1920 y 1940. Construyéronse nos sos propios talleres aprovechando los mesmos bastidores qu’utilizaben los vagones de carbón y contaben con una caxa de madera, forrada esteriormente de llistones verticales. L’accesu facíase per un balcón llateral y dientro contaba con dos bancos llonxitudinales.
Tuvo en serviciu hasta l’añu 1972, cuando HUNOSA clausuró’l ferrocarril, sicasí’l so usu taba yá en declive por mor de la xeneralización del automóvil y de los autobuses urbanos. Tolos vehículos d’esti tipo quemáronse a esceición del que nos ocupa, que se colocó como abellugu pal cargador nel Pozu San José. Finalmente rescatólu’l Muséu del Ferrocarril d’Asturias y púnxolu otra vuelta en serviciu nes sos instalaciones.
Ye una pieza verdaderamente singular tanto pol so orixe como pol diseñu y el so significáu históricu y social qu’afortunadamente ta en perfeutu estáu de funcionamientu y pue disfrutase en marcha polos visitantes de la institución xixonesa.
GALERÍA D'IMAXES
Comentaris recents